[Православная беседа] [Ответы и комментарии] [Написать ответ]
Отправлено Вета 07:43:58 22/05/2000
в ответ на:
Очень прошу вас всех молиться о рабе Божием Николае, отправлено
yuretz 16:21:52 21/05/2000:
Юра, вот пока две молитвы. Где-то у меня были еще. Поищу. > И ещё, может кто подскажет текст молитвы о мучимых бесами? У меня с собой здесь только маленький молитвенник, там такого нету. Свщмч. Киприану и мученице Иустине О святии священномучениче Киприане и мученица Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас недостойных (имена). Будите нам заступницы крепции, да заступлением вашим сохраняеми, невредими от бесов, волхвов и от человек злых пребудем, славяще Святую Троицу, Отца и Сына и Святаго Духа, ныне и присно и во веки веков. Аминь. Св. мученику Трифону О святый мучениче Христов Трифоне, скорый помощниче всем, к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою на всяком месте. Ты бо, угодниче Христов, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в коей-либо нужде и печали своей призывати начнет святое имя твое, той да избавлен будет от всякаго прилога злаго. И якоже ты иногда дщерь цареву в Риме граде от дьявола мучиму исцелил еси: сице и нас от лютых его козней сохрани во вся дни живота нашего, наипаче же в день страшный последняго нашего издыхания предстательствуй о нас, егда темнии зраки лукавых бесов окружати и устрашати нас начнут; буди нам тогда помощник и скорый прогонитель лукавых бесов, и к Царствию Небесному предводитель, идеже ты ныне предстоиши с лики святых у Престола Божия, моли Господа да сподобит и нас причастниками быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки. Аминь. Алла (Вета)
Ответы и комментарии: