[Православная беседа] [Ответы и комментарии] [Написать ответ]
Отправлено
чтецъ Михаилъ 11:03:12 27/03/1999:
НА СУГУБОЙ ЕКТЕНИИ: Еще молимся о страждущем православном народе сербстем, спасении и сохранении святынь его, жилищ и жизней братий нашей, во области Косовской и во всех концах отечества их. Еще молимся о еже мир и славу вселити в земли сербстей, и избавити народ ея и церковь от всех вражиих наветов и не предати единоверных наших в попрание, и разорение врагом и супостатом: но в бегство все дерзновение их претворити, и мышцу их сокрушити, и под ноги верных своих покорити. Еще молимся о еже студа и безчестия лица сопротивных исполнити, сердце же их страха и ужаса: и ангел Господень да будет погоняяй, и поражаяй их. Еще молимся о еже пременити всю скорбь и сетование единоверных наших на радость и веселие, и бедствование в твердый мир, и непреборимых от всех вражиих наветов всегда сотворити. Еще молимся о всех почивших в скорбные годы сии человецех рода сербского, от нихже нецыи премнозии и венец во страданиих своих прияша, яко новомученицы святии, и тии молятся ныне о спасении отечества своего и душ наших. МОЛИТВА о спасении многострадального народа Сербского (читаемая на молебне): Владыко Вседержителю, приими смиренное моление наше о крестоносном роде сербском. Вемы, Господи, яко Царь наш мученик Благоверный страстотерпец святый Николай, еще на земли живый, обеща николиже оставити Сербию, в бедствии сущу без помощи! Новым же бедствиям ея начало бысть убиение Краля Югословенского Благоверного Александра и на стогне марсельской кровью сего последнего удерживавшего зло орошенной, архипастырь праведный, позде во святых прославленный, Иоанн, о Крале и о чадех сербских пророчески, яко о сирых, о плачущих и болезнующих, чающих Христова утешения моляшеся. Воспоминая деяния сиих триех (Царя, Краля и Святителя), сердца свои людем российским и сербским отверзавшим, молим и мы Тя, о Многомилостиве о толико страждущих ныне братиях наших рода сербскаго, ихже, яко алтарь заповедный, священное поле Косово насильнически жаждут отъяти изгнавшии потомственных сербских насельников края сего, обидчики жен и дев, убийцы не щадящии и младенцев. Вспоминая же и вся благая, яже дана быша нам и отцем нашим, избегшим некогда мук и смерти от безбожных, братиями же нашими сербами приятым во отечество их, молим Тя Всеблагий, воздажь им в жизни сей временней защиту Твою от напавших на них, в вечной же жизни ? спасение и радость вечную, молитвами Пречистой Владычицы Богородицы, первопрестольника же сербского святителя Саввы и всех святых славянских и вселенских. Спаси Господи, люди Твоя, вся бо возможно Тебе и Тебе, яко всесильну благодарение и славу мы вси возсылаем, Отцу и Сыну и Святому Духу, во Святей Троице Единому Богу, ныне и присно и во веки веков. Аминь.
Ответы и комментарии: