[Православная беседа] [Ответы и комментарии] [Написать ответ]
Отправлено
чтецъ Михаилъ 06:34:46 22/03/1999
в ответ на:
Re: "Бог есть Любовь", отправлено
чтецъ Михаилъ 05:33:42 22/03/1999
Любезнейший Феофилъ, Вотъ Вамъ еще для размышления: Глаголется въ Божественныхъ Правилехъ, еже отъ градскихъ законъ, о неверныхъ и о еретицехъ сице: Иже сподобившiеся свя-таго Крещенiя, и отступльше православныя Веры, и еретицы быв-ше, или творяще еллинскiя жертвы, конечней повинны суть муце ... мечемъ да посецаются, и иде таковыя сведающе, и не предающе сихъ княземъ, конечней муце повинны суть. Аще ли же кто воевода или воинъ, или сонмища начальникъ, должни суть о семъ пещися, еда кто еретическая творя и мудрствуя, и аще уведавше не предадятъ его, аще и правоверни сами суть, конечную муку подъимутъ. Аще ли же кто речетъ: се есть градстiи закони, а не апостоль-ская нижеґ отеческая писанiя, таковые да слышатъ преподобнаго отца нашего Никона во своихъ боговдохновенныхъ писанiяхъ сице глаголюща о градскихъ законехъ во своихъ посланехъ, въ слове двадесять первомъ: сего ради Святый поклоняемый Духъ, вдохну божественныя Отцы на святыхъ соборехъ, и учиниша божественная правила, иже отъ Святаго Духа изложиша божественныя законы и словеса Святыхъ Отецъ и богоносныхъ, и отъ устъ же самого Господа святыя Его заповеди глаголана быша, и обаче отъ древнихъ божественныя правила со градскими размешена быша, законы же и завещаньми. Сице Номоканонъ книга сотворена бысть, сиречь закону правила ... и кто убо дерзнетъ сихъ отложити или похулити, яже отъ Святаго Духа и Святыхъ Отецъ прiята быша, и сочетана со всемъ Божественнымъ Писанiемъ?!. Аще пощадитъ кто [помимо воли Божiей], человеколюбствуя чрезъ угодное оному [еретику], убiйства всякаго непреподобнейши будетъ то пощаденiе: не естество бо вещемъ, но Божiи судове добра и зла творятъ быти... Темъ же преподобнiи и богоноснiи Отцы наши и священноначальницы и пастырiе, не оружiемъ, но молитвою и силою, отъ Бога данною имъ, еретики же и отступники смерти и казнемъ лютымъ предаваху... Се бо явственно есть и известно воистинну всемъ человекомъ, яко святителемъ и священ-никомъ, и инокомъ, и простымъ человекомъ, и всемъ, иже христi-яньская мудрствующимъ, подобаетъ осужати и проклинати еретики и отступники, Царемъ же и княземъ, и судiамъ земьскимъ, подоба-етъ сихъ и въ заточенiе посылати, и казнемъ лютымъ предати... Отступницы бо злейшiе суть не точiю еретиковъ, но и еллинъ и жидовъ ... и согрешенiя еретическая паче отступническая, тяжчайши бываютъ разбойническихъ согрешенiй, и татей и убiйцъ, и блудниковъ и прелюбодеевъ, и гробокопателей, и всехъ греховъ смертныхъ, понеже во священныхъ правилехъ писано есть: урокъ летомъ покаянiю разбойническому, и убiйца, и прелюбодеемъ, и прочимъ грешникомъ; отступницы же аще и покаются, не есть урока летомъ покаянiю ихъ, но да не причащаются божественныхъ Таинъ во вся дни живота своего, но точiю на исходе душевномъ да причастятся. Аще бо и несть въ Божественномъ Писанiи о семъ, еже како таковые еретики [жидовствующiя] прiимати и покаянiя ихъ плоды искушати: и сего ради не подобаетъ ихъ оставляти, и волю и ослабу темъ подавати, но подобаетъ всяцемъ тщанiемъ, преже убо Господу Богу молитися о семъ, всемъ иже во Христа верую-щимъ, якоже преже рекохомъ, потомже искати въ божественныхъ писанiехъ подобныхъ сему вещей, иже быша въ предняя, и въ средняя, и въ последняя лета, и паче же сего подобаетъ испытовати, якоже прежнiи православнiи Царiе и Святiи Отцы, иже на вселень-скихъ и поместныхъ Соборехъ творяху. Егда убо по проклятiи еретиковъ въ заточенiе осужаху, и въ темницахъ сихъ блюдуще, до скончанiя живота ихъ, боящеся, да никогда прельстятъ право-славныя. Аще ли же кто отъ нихъ восхощетъ покаятися, мощно есть и въ темнице каятися: въ скорбехъ бо и въ бедахъ паче слы-шитъ Богъ кающихся ... и симъ умиритися имать Церковь Божiя и угаситися злочестивыхъ еретиковъ и отступниковъ скверное ... ученiе. Сего ради подобаетъ всемъ, иже Христа любящимъ, о семъ много тщанiе и подвигъ показати, яко да не и мы погибнемъ такоже, якоже Арменьское и Ефiопьское и Римское великое царст-во. Тiи бо такоже погибоша небреженiя ради тогдашнихъ право-славныхъ Царей и Святителей, и тiи убо Царiе и Святители осужени имутъ быти на страшнемъ Судищи Христове о таковомъ небреже-нiи... [Подобаетъ бо хульницы и отступницы] казнити по закону, и въ последняя влагати муки, и не щадите зло творящихъ предъ Богомъ. Саулъ убо пощади врага Божiя, и Ахавъ такоже, и сего ради сами погибоша. Cвятiи бо Апостоли глаголютъ о Царехъ и о Святителехъ, иже не промышляютъ, нижеґ пекутся о сущихъ подъ ними: иже убо Царь злочестивый, небрегiй о сущихъ подъ нимъ, не Царь есть, но мучитель, и иже Епископъ золъ сый, небрегiй о стаде, не пастырь есть, но волкъ... Сего ради подобаетъ пастыремъ же и учителемъ и ныне подоби-тися первоначальнымъ пастыремъ, иже Веру уясниша и зловерiе отгнаша, иже православныхъ божественными веленьми утвердиша, и злославныхъ божественными стрелами состреляша, иже меча на еретики, иже находящiя скорби не отвергошася, иже душя своя положиша о пастве и кровь свою за Веру излiявше, иже Ве-ре и ревности поревноваша праотца своего Авраама и на лоне его почиваютъ, о Христе Iисусе Господе нашемъ. Ему же подобаетъ всяка слава и честь и держава съ Отцемъ и со Святымъ и благимъ и животворящимъ Духомъ, ныне и присно, и во веки вековъ. Аминь. Преподобный Iосифъ Волоцкiй
Ответы и комментарии: